لعبة اخترعتها

اللعبة هي انه نفكر بشخص بنعرفه من فترة كبيرة مش مهم صديق ، عدو ، قريب ، بعيد ، المهم بنعرفه من فترة ما تقل عن سنة ونوصفه بكل مواصفاته السيئة والحسنة بدون تحفظات يعني ان كان في عيوب نحكيها واذا كان في حسنات برضو نحكيها ، نحكي الجوانب اللي بنحبها او اللي حبيناها فيه في حالة انه صار عدو بعد فترة ، والباقيين عليهم يحكمو على الشخص من مواصفاته ويقولو اذا ممكن يقبلوه كصديق ، واذا صارت بينك وبين هالشخص مشكلة برضو احكيها من وجهة نظرك بس بضمير يعني وعلى الباقيين يحكو اذا كان معك حق في اللي عملتو بعد المشكلة ، شو رايكم ؟؟؟؟ فهمتو اللعبة ؟؟؟؟

حلو كتير انا راح ابدا ، بس طبعا بدون اسماء

شب ، محترم و عقلو كبير وما في منه على طول متفاهمة معه وما بندخل موضوع حامي الا بنطلع منه عادي بدون مشاكل ا، من ناحية الطياشة يعني لما نلتقي بتقولو اطفال بنلعب بنضحك وبنمزح وعلى طول غالبني في السلة لانه هو بيحب اللعبة ، تقاتلت معه مرة مشان اخته الا بعتبرها اخت الي ولا ممكن انسى تطليعته في عيوني كانه بدو ياكلني ، وصارت القصة لانه شوية مي انكبت على الارض وانا وصاحبتي بدينا مزح في الموضوع لحد ما وحدة فينا بدت شغلة احمى من نقاش وهو وقف مع اخته ، تيبيك عربي ، المهم يومها عرفت انه بجانب الشخصية الروعة عندو هاي النقطة واخدت الموضوع بمزح وبجدية واطلقت عليه لقب الخنفسة ، من كتر ما كان مليان مني ضحك ضحكة ما في منها وقالي موافق على شرط تكوني انت حشرة اصغر مني ، ههههههههههههههههه ، اللي بيشوفنا ممكن يقول حبايب بس احنا اكتر من هيك بكتير احنا اصحاب من عمر ( وهذا اهم بكتير من حب الحبايب ) وهو شخص على طول فاهمني ومعي واهم اشي انه مهما شاف مني شغلات بيقبلها عادي وبيشجعني ولا مرة حس انه جراتي وشخصيتي الحامية مشكلة بالنسبة الو ، انا ما كان عندي اخ اكبر مني بس ربنا اعطاني اخ وصديق اعز بكتير ، ومهما حكيت ما بعطيه حقه .

بس هذا مش معناته انه ما بنتناقر من مرة بالعكس على طول مناقرات في بعض ومحاولات تضييق خناق على بعض لحتى نشوف اديش ممكن كل واحد فينا يتحمل التاني

تحياتي اله